Хятадын Кибер орон зайн удирдлагын газар (CAC) цахим орчин дахь ташаа мэдээлэлтэй тэмцэх зорилгоор шинэ журам гаргалаа. Үүний дагуу эмнэлэг, хууль, боловсрол, санхүү зэрэг нийгэмд шууд нөлөөлдөг сэдвээр контент бүтээдэг нөлөөлөгчид мэргэжлийн сургалт, боловсролтойгоо батлах шаардлагатай болжээ.
Платформууд болох Douyin, Bilibili, Weibo нөлөөлөгчдийн мэргэжлийн баримтыг шалгаж баталгаажуулах үүрэгтэй бөгөөд контентод эх сурвалж, AI хэрэглэсэн эсэхийг заавал ил тод мэдээлэх шаардлага тавигдана.
Мөн CAC эм, нэмэлт бүтээгдэхүүн зэрэг эмнэлгийн үйлчилгээний зар сурталчилгааг бүрэн хориглож, мэргэжлийн дүр эсгэсэн болон боловсролын нэрээр бүтээгдэхүүн сурталчилсан аккаунтуудыг устгах шийдвэр гаргасан байна.
Эх сурвалж: Marketing4eCommerce
Ч.ДӨЛГӨӨН
