МОЖО ТВ сайт ахмадуудын эрх зөрчигдөж буй асуудлаар Нэгдсэн Үндэстний Байгууллагад хандахаар болсон билээ. Ингэхдээ ахмадуудын гарын үсгийг цуглуулсан бөгөөд нийтдээ 8473 өндөр настан НҮБ-д илгээх өргөдөлд гарын үсгээ зурлаа.
Маргааш www.mojotv.mn сайтын захирал, Азийн хүний эрхийн шагналт сэтгүүлч Д.Гансаруул болон жагсагч ахмадууд 8473 ахмадын гарын үсэг бүхий 4 шаардлагатай өргөдлийг НҮБ-ын Монгол дахь Суурин зохицуулагч ноён Яап ван Хиердэнд албан ёсоор гардуулна.
Улмаар олон улсын хүний эрхийн бусад байгууллагуудад ч энэ талаар мэдэгдэл хүргүүлэхээр ажиллаж байна.
