ЭМГЭНЭЛ: Урлагийн их авьяастан “Өргөө” хамтлагийн ахлагч, хөгжмийн зохиолч И.Болоож хүнд өвчний улмаас таалал төгслөө.
Маш их хүнлэг залуу байжээ. Энэ хүний зохиосон бүх дуу тухай үеийнхээ хит, одоо ч дуулагдсаар байдаг мундаг авьяастан.
“Алтан зул”:
Газар эхээс заяатай
Ганган цэцгийн дэлбээг
Хvн та өөрөө
Хөндөж битгий таслаарай…
“Нар инээдэг юм”:
Насан багадаа нэгэн өглөө
Нарыг би их л ажсан юм
Нар тэгэхэд нэг л сайхан
Намайг хараад инээж байсан юм…
“Дандаа чамайг хайрлаж явъя”:
Дандаа чамайг хайрлаж явъя
Даруухан зангийг чинь дээдэлж явъя
Орчлонд уярахын жаргал амтлан
Онгон зүрхэндээ энхрийлж явъя…
Зүүд:
Уулын нуганд чамтайгаа
Уруул шиг навчаар үнсэлцээд…
”Бүжээрэй”, “Найзууд”, ”Алган дээр буусан од” зэрэг олон сайхан дууны хөгжмийн зохиолч, хөгжимчин эгэл даруухан авяастан байсан юм. Ардын уран зохиолч Ш.Дулмаа гуайн шүлгээр бүтсэн “Алтанзул” энэхүү дууныхаа нэрийг бага охиндоо өгч, хожим энэ сайхан дуунд нь хөшөө хүртэл босгосон түүхтэй.
Гэр бүлд нь гүн эмгэнэл илэрхийлье
Мөнх хөх тэнгэртээ амар амгалан нойрсоорой
СОЁЛ УРЛАГИЙН АКАДЕМИ
