Казахстан улс анхны “Шарил чандарлах газар”-аа 2026 оны дөрөвдүгээр сарын 30-нд Алматы хотод албан ёсоор нээжээ. Ингэснээр тус улс уламжлалт оршуулгын зэрэгцээ шарил чандарлах үйлчилгээг нэвтрүүлж буй юм.
Байршил: Алматы хотын Алатау дүүрэг, Алгабас бичил хороолол.
Үйлчилгээний үнэ: Нэг удаагийн чандарлах үйлчилгээ 240,000 казах тенге буюу ойролцоогоор 500 ам.доллар. Энэ үнэд авс болон бусад нэмэлт үйлчилгээний зардал багтаагүй аж.
Техник, тоног төхөөрөмж:
- Чех улсад үйлдвэрлэсэн орчин үеийн хоёр чандарлах зуухтай.
- Зуухны ажиллагааны температур 800–1,100 хэм.
- Нэг удаагийн чандарлах ажиллагаа дунджаар хоёр цаг үргэлжилнэ.
- Зуухыг шаардлагатай температурт хүртэл халаахад 35 цаг орчим шаардлагатай.
- Хүчин чадлын хувьд нэг зуух өдөрт найм хүртэлх ажиллагаа явуулах боломжтой.
Чандарласны дараа үнсийг тусгай саванд хийж ар гэрийнхэнд нь хүлээлгэн өгөх эсвэл түр хадгалуулах боломжтой аж.
Казахстаны хууль тогтоомжийн дагуу хүний чандрыг ил задгай газар, салхинд хийсгэн цацахыг хориглодог бөгөөд зориулалтын газарт булшлах, хадгалах зохицуулалттай юм байна.
Шарил чандарлах газрын энэхүү байгууламж нь Казахстаны оршуулгын үйлчилгээний салбарт гарч буй шинэ өөрчлөлт бөгөөд иргэдэд уламжлалт оршуулгаас гадна өөр сонголт бий болгож буйгаараа онцлог юм.
Эх сурвалж: Kazinform, Zakon.kz, Kursiv.kz, Sputnik Kazakhstan.
