Хятадын Ардын Чөлөөлөх Арми (АЧА) Тайванийн эргэн тойронд томоохон хэмжээний цэргийн сургуулилалт эхлүүллээ. Энэхүү ажиллагаа нь тэнгисийн, агаарын, хуурайн болон пуужингийн хүчнийг хамарсан бөгөөд Хятад улс Тайванийн тусгаар тогтнолыг дэмжигчдэд анхааруулга өгч байна гэж мэдэгджээ.
Тайванийн Батлан хамгаалах яамны мэдээлснээр, Хятадын 19 байлдааны хөлөг онгоц, тэдний дотор “Шаньдун” нисэх онгоц тээгч хөлөг онгоц, мөн 50 байлдааны нисэх онгоц Тайванийн ойролцоо байршжээ. Үүнтэй холбогдуулан Тайвань өөрийн цэргийн хүчийг өндөржүүлсэн бэлэн байдалд оруулсан ч, шууд халдлага хийх үйлдэл ажиглагдаагүй байна.
АНУ Хятадын энэ үйлдлийг шүүмжилж, Тайваньтай хамтын ажиллагаагаа үргэлжлүүлэхээ илэрхийлээд, бүс нутгийн энх тайван, тогтвортой байдалд санаа зовниж буйгаа илэрхийлжээ.
Энэхүү цэргийн сургуулилалт нь Бээжингийн Тайванийн эсрэг хатуу байр суурийг улам бататгаж буйг харуулж байгаа бөгөөд бүс нутгийн хурцадмал байдлыг нэмэгдүүлж байна.
Ч.ДӨЛГӨӨН
Эх сурвалж: Reuters, AP
