Ажиа Гэгээний айлдвараас толилуулж байна.
-“Хүний амьдрал бие, хэл, сэтгэлээс бүтэж байна. Энэ бүгдээр янз бүрийн буяныг бүтээж болно. Үр хүүхдэдээ ном, шүлэг уншиж өгөх ч буян юм шүү дээ. Харин энэ гурваас сэтгэлийн буян бол маш чухал. Сэтгэл нь тэгш сайхан , хайр дүүрэн нинжин сэтгэлээр ямар ч үйл хийсэн буян болно. Тухайлбал, бид үр хүүхдээ дандаа магтаад суухгүй. Хааяа зэмлэх үе гарна. Гэтэл тэр хүүхдийн сайн сайхны төлөө хийж байгаа эцэг эхийн сэтгэл учраас аашилж загнасан ч буян нь ирж байдаг. Бурханы шашинд даган баясах уу, атаархаад байх уу гэсэн нэг ном бий. Ийм тохиолдолд даган баясах нь ч буян юм. Мөн аливааг сайн сайхан талаас нь харах нь буян байдаг. Тэгэхээр буян гэдэг зөвхөн авч өгөхийн нэр биш амьдралыг үзэх үзэлтэй холбоотой зүйл.
