Аргентины гэрэл зурагчин Ирина Вернинг сүүлийн 20 гаруй жилийн хугацаанд Латин Америкийн орнуудаар аялж, хамгийн урт үстэй эмэгтэйчүүдийг хайж, зураг авсан байна.
Түүний урт хугацааны төсөл болох Las Pelilargas (“Урт үстэй хүмүүс”) нь уг бүс нутгийн олон нийтийн болон үндэсний бүлгүүдийн дунд урт үсийг хүндэтгэх соёлыг харуулжээ. Төсөл нь урт үс ургуулах болон хадгалахын ард байгаа хувь хүний болон соёлын шалтгаануудыг судалдаг бөгөөд ихэнхдээ энэ нь соёлын хувьд өөрийн орны түүх, өв уламжлалтай холбоотой юм.
Энэхүү төслийн эцсийн хэсэг болох La Resistencia нь Миланд болсон PhotoVogue фестивалийн үеэр Эквадорын Кичва үндэстний хүмүүсийг дүрсэлсэн гэрэл зургуудыг үзүүлжээ. Ирина Вернинг “Эмэгтэйчүүдийн урт үсний зургийг олон жил дарсны дараа эрэгтэйчүүдийн зургийг дарах ямар бол гэж их сонирхож байсан” гэж хэлжээ.
Түүний аялал Андын уулс дахь Аргентины Колла үндэстний эмэгтэйчүүдтэй танилцсанаар эхэлсэн байна.
Ч.ДӨЛГӨӨН
Эх сурвалж: CNN
