САЙХАН ТҮҮХ|| Ирландын нэгэн фермерийг галт тэргээр хот руу явах бүрт үнээ нь дагаж, галт тэрэгний буудал дээр үлдээд эргээд иртэл нь хүлээж хэвтдэг аж. Фермер эрийг хот руу явсан хойгуур үнээ нь том том нулимс унагаад байдгийг фермерийн эхнэр нь анзаарчээ. Ингээд хосууд үнээг галт тэрэгний буудал хүртэл дагуулж явах нь зөв юм байна гэж шийджээ.

Тэд “Хачико нохой ч юм уу, өөр бусад нохдын үнэнч зангийн тухай сонсож байснаас биш үнээг нохой шиг эзэндээ үнэнч гэдгийг ёстой мэдсэнгүй” гэж гайхсанаа ярьжээ. Фермерийг буцаж ирэхэд үнээ нь түүнийг тайван хүлээж хэвтдэг бөгөөд хамтдаа гэртээ харьдаг болсон байна.
Ч.ДӨЛГӨӨН





