Азийн хүний эрхийн шагналт сэтгүүлч Д.Гансаруул: Засгийн газар ахмадуудыг ялгаварлаж, эрүүл мэнд, сэтгэл санаагаар хохироож, үл тоож байгаа нь хүний эрхийн ноцтой зөрчил юм. Ахмад настнуудын тэтгэвэр бусад бүлэгтэй харьцуулахад шударга бус, амьдрах наад захын хэрэгцээг хангахгүй байгаа нь эдийн засгийн ялгаварлалт гэж үзэх үндэстэй.
Удаан хугацаанд хүйтэн, нойтон нөхцөлд суулт хийх, жагсах зэрэг нь ахмадуудад бодит эрүүл мэндийн хохирол учруулж байгаа тул төрөөс хамгаалах үүргээ биелүүлэхгүй байна гэж үзэж байна.
Иргэдийн тайван жагсаж, санал бодлоо илэрхийлэх эрхийг төр үл ойшоож, хариу арга хэмжээ авахгүй байгаа нь хүний эрхийн зөрчил юм.
Ахмадын тэтгэврийн асуудал бол зөвхөн нэг бүлгийн асуудал биш, энэ нь нийгмийн шударга ёс, хүний эрхийн төлөө ажилладаг бүх институтийн нийтлэг хариуцлага болоод байна.
