2025.12.02-ны өглөө 07:30 орчимд Хэнтий аймаг, Хэрлэн сумын Хийдийн сууринд өвлийн дүнзэн байшин шатаж дотор нь байсан 16 настай хүү 11 настай охин дүүгээ галаас авраад өөрөө гарч чадаагүй амиа алдсан харамсалтай хэрэг гарсан юм.
Галаас амьд үлдсэн 11 настай Амин-Эрдэнэ охин 90 хувийн түлэгдэлтэй буюу бүх бие нь түлэгдсэн бөгөөд аймгийнхаа нэгдсэн эмнэлэгт эмчлүүлж байгаад өнөөдөр нэн яаралтайгаар нисдэг тэргээр Улаанбаатар хотод ирлээ.
Хэнтий аймгийн Засаг дарга, Засаг даргын тамгын газрын зүгээс охины эмчилгээний зардалд 2 сая төгрөгийн дэмжлэг үзүүлж, мөн нисдэг тэргээр тээвэрлэх асуудлыг шийдвэрлэсэн байна. Охины эмчилгээний зардалд зориулсан хандивын аяныг өрнүүлээд байгаа аж.
Фото, эх сурвалж: Өндөрхаан телевиз
