Хонконгийн Tai Po дүүрэгт байрлах “Wang Fuk Court” орон сууцны хороололд гал гарсан талаар өчигдөр мэдээллэсэн билээ. Сүүлийн мэдээгээр 44 хүн амиа алдаж, 279 хүн сураггүй болоод байна.
Гал өчигдөр орон нутгийн цагаар үдээс хойш гарч, барилгын гадна засварт ашиглаж байсан модон хашлага (bamboo scaffolding) болон шатамхай бүрээснээс үүдэлтэйгээр түргэн тархжээ. Салхины нөлөөгөөр гал богино хугацаанд хэд хэдэн байр руу дамжсан байна.
Мөрдөн шалгалтын хүрээнд барилгын засварын компанийн хоёр захирал болон нэг инженерийг баривчилжээ. Тэднийг хариуцлагагүй үйлдлээс үүдэлтэй хүний амь хохироосон хэргээр шалгаж байгаа аж.
Аврах ажиллагаа үргэлжилж байгаа бөгөөд олон оршин суугчийн байршил тодорхойгүй хэвээр байна. Ослын газарт түр байр, тусламжийн төвүүд байгуулж, амиа алдсан болон алга болсон иргэдийн ар гэрт дэмжлэг үзүүлэх арга хэмжээ авч байна.
Эх сурвалжууд:AP News, Reuters, The Guardian
