Дундговь аймгийн “Айрагны баяр-2025” Төв Цэнгэлдэх хүрээлэнгийн Шагайн асарт өчигдөр эхэллээ. Энэ сарын 13-ныг хүртэлх үргэлжлэх энэ баярт тус аймгийн иргэд, малчид өөрсдийн айраг, цагаан идээгээрээ оролцож байна.
Б.Мөнхболор тэргүүнтэй Дундговь аймгийн Нутгийн зөвлөл, Х.Ганбаатарын тэргүүлдэг “Говийн шим” төсөл хамтран зохион байгуулж УИХ-ын гишүүн Ц.Мөнхбат, Р.Эрдэнэбүрэн нар дэмжин оролцож байгааг зохион байгуулагчид онцолж байлаа.
Баярын үеэр айраг уух тэмцээн, дэмбээ, үзэсгэлэн худалдаа зохиогдож байна. Маргааш хуруудах тэмцээнтэй.
Энэ үеэр Дундговь аймгийн Эрдэнэдалай сумын Рашаант багийнхны айрагны асраар зочиллоо. Эднийх айргаа хүргэлтээр борлуулж байгаа юм байна.
10 литрээс дээш хүргэлт үнэгүй хүргэх бөгөөд захиалгын утас нь 89994258 юм байна.
Та айрагны баярт очиж айраг уу хэмээн урьж байна, эсвэл дээрх утас руу захиалга өгөөд хүргүүлээд аваарай.
Д.ДУЛМАА
