ШУА-ын Одон орон, геофизикийн хүрээлэн: Өнөөдөр Увс аймгийн Малчин сумын нутаг дэвсгэрт Рихтерийн шаталбараар магнитуд нь 5.3-тай, Наранбулаг сумын нутаг дэвсгэрт голомтын орчимдоо Рихтерийн шаталбараар магнитуд нь 4.2-той тэнцэх хэмжээний хүчтэй газар хөдлөлтүүд дараалан боллоо.
Ховд аймгийн Дөргөн, Мянгад, Жаргалант сумын зарим иргэд газар хөдлөлтийн чичирхийллийг мэдэрсэн.
Уг газар хөдлөлтөөс ирэх чичирхийллийн хэмжээ нь Ховд аймгийн төв болон ойролцоо сумдад баллын үнэлгээгээр II балл байлаа. Энэ нь газар хөдлөлтийг бүртгэх багажид бүртгэгдэх ба зарим нэг мэдрэмтгий хүн болон амьтанд мэдрэгдэх боломжтой юм.
