АНУ-ын ерөнхийлөгч Дональд Трамп өнгөрсөн жил Украины дайныг “24 цагийн дотор дуусгана” гэж амласан. Харин өнгөрсөн долоо хоногт тэрээр энхийн хэлэлцээ зөвхөн өөрийг нь болон ОХУ-ын ерөнхийлөгч Владимир Путиныг “нүүр тулан уулзах үед” л шийдэгдэнэ гэж мэдэгдсэн.
Гэвч өчигдөр Трамп хоёр цаг гаруй утсаар Путинтэй ярьсны дараа байр сууриа өөрчилж, энхийн хэлэлцээ зөвхөн Украин болон Оросын хооронд, магадгүй Ромын Пап ламын оролцоотойгоор хийгдэх ёстой гэж мэдэгдэв.
Трамп өөрийн Truth Social хуудсанд бичихдээ, хоёр улс “нэн даруй” гал зогсоох хэлэлцээ эхлүүлнэ гэж мэдэгдсэн ч, Оросын талаас энэ талаар илүү болгоомжтой байр суурь илэрхийлжээ. Путин “ирээдүйн боломжит энхийн хэлэлцээрийн тухай санамж бичиг боловсруулахад бэлэн” гэдгээ хэлсэн байна.
Путин мөн дайны “үндсэн шалтгаанууд” буюу Украины Европтой ойртох эрмэлзлийг зайлшгүй хэлэлцэх шаардлагатай гэж онцолсон.
Хэрэв АНУ энхийн хэлэлцээний талбарыг орхих аваас, дайн дахь Украины байр суурь эрсдэлд орж болзошгүй. Учир нь АНУ-ын цэргийн болон тагнуулын тусламжгүй үлдэх нь Оросын хувьд давуу талтай байж болох юм.
Энэ байдал Украины ерөнхийлөгч Владимир Зеленскийн санааг ч зовоож байна.
Ч.ДӨЛГӨӨН
Эх сурвалж: BBC
