АНУ-ын Ерөнхийлөгч асан Жо Байденд түрүү булчирхайн хорт хавдрын хүнд хэлбэр (Gleason 9) оношлогдсон тухай түүний хувийн албанаас мэдээллээ. Уг хавдар нь ясанд тархсан байгаа хэдий ч гормонд мэдрэмтгий шинжтэй тул эмчилгээний боломж байгаа хэмээн эмч нар үзэж байна.
82 настай Байден нарийн шинжилгээ хийлгэж, үр дүнд нь түрүү булчирхайн жижиг зангилаа илэрч, хавдрын онош батлагджээ. Одоогоор Байден болон түүний гэр бүл эмч нартайгаа хамт эмчилгээний сонголтуудыг хэлэлцэж, тэрээр Делавэр мужийн Уилмингтон дахь гэртээ байгаа юм.
Эмч нарын тайлбар:
Түрүү булчирхайн хавдар нь өндөр настай эрчүүдийн дунд нийтлэг тохиолддог. Gleason 9 оноо гэдэг нь хамгийн хүнд хэлбэрийг илтгэдэг боловч гормонд мэдрэмтгий тохиолдолд хяналттай байлгах боломжтой байдаг.
Жо Байден 2024 оны 2-р сард хийлгэсэн ерөнхий үзлэгт “ерөнхийдөө эрүүл” гэсэн дүгнэлт гарч байсан бөгөөд уг хавдар энэ хугацааны дараа илэрсэн байна.
Эх сурвалж: CNN
Ч.ДӨЛГӨӨН
