2020-аад оны эхээр омакэсэ маягийн өндөр үнэтэй, цөөн порцтой хоолны трэнд хүчээ авч, Солонгосын буфет ресторанууд хүнд үеэ туулсан. Гэвч 2025 онд байдал эрс өөрчлөгдөв.
Солонгосын Suwon хотод 30 настай эмэгтэй Чо Ха-ын улирлын “гүзээлзгэнэтэй” буфетэд 1.5 цаг дугаарлан зогссон нь энэ эргэн сэргэлтийн илрэл.
Өнөөдөр буфетүүд эдийн засгийн нөхцөл байдалд тохирсон, олон хүнтэй өдрийн хоолны найдвартай сонголт болон хувирч байна.
CJ Foodville-ийн VIPS болон E-Land-ын Ashley Queens зэрэг буфет сүлжээний салбаруудын тоо, орлого өсчээ. Тухайлбал, Ashley Queens 2025 онд 40 тэрбум вон буюу 70%-ийн өсөлттэй ажилласан бол VIPS ч мөн борлуулалтаа 7.8%-иар нэмэгдүүлжээ.
Мэргэжилтнүүдийн үзэж байгаагаар, инфляцтай үед хүмүүс олон төрлийн танил хоол идэх нь амар тайвны мэдрэмж төрүүлдэг, мөн мөнгөний үнэ цэнийг мэдэрдэг хэмээн тайлбарлаж байна.
Ч.ДӨЛГӨӨН
Эх сурвалж: The Korea Herald
