АНУ-ын эрчим хүчний мэргэжилтнүүд Хятадад үйлдвэрлэсэн зарим нарны инвертер, батерей дотор нуусан холбооны төхөөрөмжүүд илэрсэнтэй холбоотойгоор аюулгүй байдлаа дахин үнэлж эхэллээ.
Эдгээр инвертер нь нарны зайнууд, салхин турбин, цахилгаан машин цэнэглэгч зэрэг сэргээгдэх эрчим хүчний төхөөрөмжүүдийг цахилгаан сүлжээнд холбох чухал үүрэгтэй. Уг нь тэдгээрт алсаас тохиргоо хийх боломжийг олгох зориулалтын сүлжээний холболт байдаг. Гэвч АНУ-ын мэргэжилтнүүд эдгээр төхөөрөмжийг задлан шалгах явцдаа баримт бичигт тэмдэглэгдээгүй, нууц холбооны хэрэгслүүд — тухайлбал гар утасны сүлжээ ашигладаг жижиг төхөөрөмжүүд — илрүүлжээ.
Эдгээр “нууц” төхөөрөмжүүд нь:
- Төхөөрөмжийг алсаас хянах, унтраах эсвэл тохиргоог нь өөрчлөх боломжтой
- Гал хамгаалалт (firewall)-ыг тойрон гаднаас мэдээлэл дамжуулах боломжтой
- Цахилгаан сүлжээнд саатал, гэмтэл, бүр их хэмжээний тасалдал үүсгэж болзошгүй
Энэ талаар Үндэсний аюулгүй байдлын агентлагийн дарга асан Майк Рожерс:
“Хятад улс барууны дэд бүтцийг эмзэг байдалд оруулахыг зорьдог. Инвертерүүдийн өргөн хэрэглээ нь бидний хамгаалалтгүй хэсгийг нэмэгдүүлж байна” гэж мэдэгджээ.
Харин Вашингтонд байрлах Хятадын ЭСЯ мэдэгдэл гаргаж,
“Үндэсний аюулгүй байдлыг хэт өргөсгөж, Хятадын дэд бүтцийн ололт амжилтыг гутааж байна” гэж няцаасан байна.
Одоогоор хичнээн төхөөрөмжид ийм “холбооны төхөөрөмж” нуусан байгааг тодорхойлоогүй байна. Гэсэн ч мэргэжилтнүүд энэ асуудлыг үндэсний аюулгүй байдалд заналхийлж болзошгүй ноцтой асуудал гэж анхааруулж байна.
Ч.ДӨЛГӨӨН
Эх сурвалж: Reuters
