2025 оны Пулицерийн шагналын эздийг зарлахад Reuters агентлаг Америкийн фентанилын хэт хэрэглээтэй холбоотой эрэн сурвалжлах нийтлэлээрээ нэр хүндтэй сэтгүүлзүйн шагналыг хүртжээ. Тус агентлагийн баг эмийн үйлдвэрүүд болон хууль эрх зүйн байгууллагуудын үүрэг, хариуцлагын талаар олон нийтийн анхаарлыг татсан цуврал нийтлэл бэлтгэж, АНУ-д фентанилтай холбоотой үхэл хэрхэн нэмэгдэж байгааг тодруулан харуулсан юм.
Харин The New York Times сонин дөрвөн төрөлд Пулицерийн шагнал хүртсэн бөгөөд тэдгээрийн дунд гадаад мэдээ, тайлбар, гэрэл зураг болон сурвалжлага бичих ур чадвараар ялгарсан бүтээлүүд багтжээ. Тус сонины сэтгүүлчид Украин дахь дайны нөхцөл байдал, Израйль-Хамасын мөргөлдөөн зэрэг олон улсын чухал үйл явдлуудыг гүнзгий, бодитой хүргэснийхээ төлөө үнэлэгдсэн байна. Пулицерийн шагнал нь АНУ-ын хамгийн нэр хүндтэй сэтгүүлзүйн шагнал бөгөөд жил бүр онцгой бүтээлүүдийг шалгаруулдаг уламжлалтай.
Ч.ДӨЛГӨӨН
