ULAANBAATAR байхаа больж “ULAAANBAAATAR” болж олон хэсэг болж, үсэг бүр дээр нэг дарга зоогдох нь.
Гэрт муур, нохой тэжээхэд эзэн хүнээс асар хариуцлага, цаг зав, тодорхой хэмжээний мөнгөний зардал гардаг. Үүнтэй ижил төсвийн байгууллагад шинээр даргын орон тоо гарахад зардал ихтэй, төсөвт хортой. Амьтан тэжээх нь буян, нигүүсэл. Харин өмнөх мянга түмэн дарга нараа яая гэж байхад нэмж 14 дарга тэжээнэ гэдэг ард түмэнд дарамт юм. Нэг шинэ дарга бий болоход:
- Цүнх баригч
- Зөвлөх
- Жолооч
- Суганы үс
- Долоогч
- Нарийн бичиг …гэх мэтээр олон юмнууд дагалддаг. Эд нар бол төсөвт дарамт учруулагч паразитууд юм. Үүн дээр тэр даргын албан тасалгааг тохижуулах зардал, бензин шатахуун, утасны зардал гээд талийж өгдөг. Хотыг хөгжүүлэхийн тулд засаг захиргааны нэгжийг хэд ч хуваасан яахав, болно. Харин тэр хуваасан тоогоороо дарга нараа битгий үржүүлээрэй.
Хот хөгжих биш, дарга өсгөх бодлого л яваад байна даа…
Д.ГАНСАРУУЛ
Шог зургийг Гашуунбаатар
