Канадын Ванкувер хотод жил бүр зохиогддог Лапу Лапу наадмын үеэр нэгэн 30 настай эрэгтэй машинаараа олон хүн дайрч, 11 хүний амийг хөнөөсөн ноцтой хэрэг уржигдар гарсан билээ. Цагдаа нар энэ явдлыг террорист халдлага биш гэж үзэж байгаа бөгөөд сэжигтэн өмнө нь сэтгэцийн эрүүл мэндийн асуудлаар олон удаа эмнэлгийн байгууллагад хандсан хүн байжээ.
Уг харамсалтай явдлын дараа зохион байгуулагчид “Зүрх шархалсан үйл явдал боллоо”, “Нийтээрээ гүн гашуудаж байна” хэмээн мэдэгдэв. Хэвлэлийн хурлын үеэр ядарч туйлдсан, сэтгэл хөдлөлөө барьж ядсан РЖ Акино “Филиппин гаралтай олон нийт гунигтай, ууртай, балмагдсан байдалтай байна” гэж хэлжээ.
Ч.ДӨЛГӨӨН
Эх сурвалж: BBC
