БНСУ-ын прокурорууд Ерөнхийлөгч асан Мүн Жэ Ин-ийг авлигын хэргээр яллагдагчаар татсанаа мэдэгдлээ. Гэсэн ч түүнийг одоогоор хорьж саатаагаагүй байна. Прокуроруудын мэдээлснээр, Мүн Жэ Ин нь 2018 оны наймдугаар сараас хоёр жилийн хугацаанд хууль тогтоогч асан хүний үүсгэн байгуулсан агаарын тээврийн компаниас нийт 210 сая вон (ойролцоогоор 147,000 ам.доллар)-ыг хахууль хэлбэрээр авсан гэж буруутгагдаж байгаа аж. Тухайн мөнгийг түүний охины хуучин нөхөрт уг компанийн удирдах албан тушаал өгч, цалин болон бусад хэлбэрээр олгосон хэмээн дурджээ. Мөн хууль тогтоогч асан хүнийг ч авлига болон холбогдох бусад зүйл ангиар яллагдагчаар татсан байна. Түүнийг Мүн Жэ Иний засаг захиргааны үед төрийн харьяа агентлагийн даргаар томилж байсан бөгөөд Хойд Солонгостой хамтын ажиллагааг дэмжих зорилготой нислэгийн үйлчилгээг эхлүүлэхэд төрийн дэмжлэг шаардлагатай байсан гэж прокурорууд мэдэгдэв. Мүн Жэ Иний охин болон хуучин хүргэн хүүд ял төлөвлөхөөс түдгэлзсэн ч хэргийг түр түдгэлзүүлсэн ял оноосон байна. Энэхүү хэрэгт 2021 онд иргэний хөдөлгөөнөөс гаргасан гомдлын дагуу мөрдөн байцаалт эхэлсэн бөгөөд Мүн Жэ Ин прокуроруудын байцаалтад ирэхгүй байгаа аж. Мүн Жэ Иний бүрэн эрх 2022 онд дууссан ч тэрбээр Ардчилсан намын дэмжигчид дунд өндөр нэр хүндтэй хэвээр байгаа юм. Түүнийг яллагдагчаар татаж буйг 6-р сард болох Ерөнхийлөгчийн сонгуультай холбон үзэж, зарим намын гишүүд нь прокуроруудын үйлдлийг шүүмжилж байна.
Ч.ДӨЛГӨӨН
Эх сурвалж: NHK
