Уильям Шекспирийн бүтээлүүдийн анхны дөрвөн хэвлэлийн иж бүрдэл дуудлага худалдаагаар 6 сая ам.доллар (4.5 сая фунт стерлинг) хүрч болзошгүй байна. Энэхүү ховор цуглуулгыг ирэх сарын 23-нд Sotheby’s дуудлага худалдааны танхим анх удаа нэг багц болгон худалдаанд гаргах гэж байна.
Дуудлага худалдаанд тавигдах энэхүү цуглуулгад Шекспирийн бүтээлүүдийн анхны (1623), хоёр дахь (1632), гурав дахь (1664), дөрөв дэх (1685) хэвлэлүүд багтаж байгаа бөгөөд энэ нь 1989 оноос хойш нэг дор худалдаалагдаж буй анхны тохиолдол юм. Sotheby’s энэхүү мэдээллийг Шекспирийн 461 жилийн ойд зориулан энэ долоо хоногт зарласан байна. Эдгээр “Фолио”-нууд нь Шекспирийн 18 жүжгийг хадгалж үлдсэн түүхэн ач холбогдолтой хэвлэлүүд бөгөөд уран зохиол, ном цуглуулагчдын дунд асар өндөр үнэ цэнэтэйд тооцогддог.
Ч.ДӨЛГӨӨН
Эх сурвалж: CNN
