4 сарын 22 — бол Эх дэлхийн өдөр юм. Энэ өдөр дэлхий даяар хүмүүс хүрээлэн буй орчноо хамгаалах, байгаль дэлхийтэйгээ илүү хариуцлагатай хандах талаар уриалж, төрөл бүрийн арга хэмжээ зохион байгуулдаг. Эх дэлхийгээ хайрлаж, ирээдүй хойчдоо эрүүл орчин үлдээх нь бид бүгдийн үүрэг юм.
Энэ өдрийг тохиолдуулан Дээрхийн гэгээнтэн XIV Далай лам хүн төрөлхтөнд хандан уриалга гаргалаа.
Дээрхийн гэгээнтэн XIV Далай лам: Хүн төрөлхтөн бид л дэлхийг өөрчлөх, бүр сүйтгэх хүчийг эзэмшсэн цорын ганц зүйл. Гэхдээ хэрвээ бид дэлхийг сүйтгэж чадах чадвартай бол, түүнийг хамгаалах чадвар ч бас бидэнд бий. Бидний амьдрал хамт олноос хамааралтай бөгөөд өнөө цагт энэ хамт олон маань бүх хүн төрөлхтөн юм. Хэрвээ бид өөрсдийгөө хайрлаж, хамгаалахыг хүсэж байвал хамт олныхоо хэрэгцээг бодох ёстой.
Энэ Дэлхийн өдөр бид хамтдаа амьдрахыг, хамтдаа ажиллахыг, хамтдаа нөөц баялгаа хуваалцахыг сурах хэрэгтэй гэдгээ өөрсдөдөө сануулцгаая.
