Монголын нийгмийн дээд давхаргад буюу пирамидын оройд МАН-ыг тойрсон хүмүүс, энэ намтай эвссэн намынхан л ам тосдож, төсвийн мөнгөөр амаараа гартал, гулгитлаа “идэцгээж” байна. Нэгнээ Элчин, Зөвлөхөөр гадагшаа амрааж, хөдөөгүүр салхинд гарангаа хуралдсан дүр үзүүлж дайлуулж цайлуулж явна. Гэтэл иргэд апп, банк санхүүгийн байгууллагын зээлэнд 2 саяулаа тарчилж, татварт дарлуулж, улсын төсөв цоорч, алдагдалтай байна.
Харин ядуусаа чирдэг дундаж давхарга элдэв татвар, дарамтад улам шахагдаж, доош унаж, аж ахуйн нэгжүүд олноор үйл ажиллагаагаа зогсоосоор.
Ядуурал, ажилгүйдэл хүрээгээ тэлж манай нийгэм сууриасаа гэрэлтэхгүй байгаа нь Монголын ирээдүйг улам бүрхэг болгож байна.
Манай нийгмийн пирамидын оройд нүүрсний хулгайч, боржуурын луйварчид, улсын сан тоногчид, ард түмний боломжийг үргэлж булаагсад зэрэг үл бүтэх хүмүүс голдуу улсын төсвийг тойрч суугаад найрлаж буй нь шударга бус явдал юм.
Д.ГАНСАРУУЛ
Шог зургийг Гашуунбаатар
