Дэлхийн анхны сансрын зочид буудал болох “Voyager Station”-ийг 2027 онд ашиглалтад оруулахаар төлөвлөж байна. Уг төслийг “Above: Space Development Corporation” (хуучнаар “Orbital Assembly Corporation”) хэрэгжүүлж байгаа бөгөөд нийт 400 зочин, 112 ажилтныг хүлээн авах хүчин чадалтай байх ажээ.
Сансрын станц нь сарны таталцлын хэмжээтэй тэнцэхүйц хиймэл таталцлыг үүсгэхээр эргэх бүтэцтэй байхаар төлөвлөгдөж байгаа нь зочдод илүү тухтай, аюулгүй орчинг бүрдүүлэх юм.
“Voyager Station” дараах тав тухыг санал болгоно:
- Ресторан, баар, кино театр
- Спа, фитнес төв
- Тоглолтын танхим
- Мөн тусгай сургалтад хамрагдсаны дараа зочдод сансрын алхалт хийх боломжийг олгоно.
Барилгын ажлыг 2026 онд эхлүүлэх бөгөөд хөрөнгө оруулалт хангалттай бүрдсэн тохиолдолд 2027 он гэхэд ашиглалтад орох төлөвтэй байна.
Ч.ДӨЛГӨӨН
Эх сурвалж: Wikipedia, Hotel Management Network, New Atlas, voyagerstation.com
