БНХАУ-д дэлхийн анхны хүн төрхт (humanoid) роботууд болон хүн оролцсон хагас марафон өчигдөр Бээжинд болж өндөрлөлөө. Тус тэмцээнд Хятадын их сургуулиуд, технологийн компаниудад бүтээсэн хоёр хөлт 20 робот хүнтэй зэрэгцэн 21 км зам туулсан байна. Роботуудыг тусдаа замаар, минут тутамд нэгээр, хажууд нь хүний хамт хянаж гүйлгэжээ.
Тэмцээний дүрэм: Зөвхөн хөлтэй (дугуйгүй) робот оролцох,
Бие эсвэл баттерей солигдвол 10 минутын торгууль,
3.5 цагийн дотор барианд орох шаардлагатай байв.
Тиангонг Ультра хэмээх робот 21 км замыг 2 цаг 40 минутад туулж ялагч болжээ. Зарим робот хүн шиг жигд алхаж чадсан бол зарим нь эхлэл дээрээ бүдэрч унасан байна.
Зорилго нь Хятадын роботын технологийг олон нийтэд танилцуулах, хөгширч буй нийгэмд ирээдүйд роботын дэмжлэгийг нэмэгдүүлэх тухай үзэл санааг таниулах явдал байв.
Ч.ДӨЛГӨӨН
Эх сурвалж: NHK
