ЮНЕСКО-ийн Ерөнхий ассамблейн XXII чуулганы хуралдаанаар 1983 оноос жил бүрийн 04 дүгээр сарын 18-ны өдрийг “Хөшөө дурсгал, дурсгалт газрын олон улсын өдөр” болгон тэмдэглэж эхэлсэн ба манай улс 1990 онд нэгдсэн. Хөшөө дурсгал нь соёлын биет өвд тооцогдох бөгөөд үл хөдлөх дурсгал гэсэн нэрийн дор соёлын өвд бүртгэгддэг.
Хөшөө гэж соёл урлаг, түүхэн үйл явдлыг харуулсан, оюун сэтгэлгээний хөгжлийн илэрхийлэл болсон, архитектур, дүрслэх урлагийн шийдэл бүхий байгууламжийг хэлнэ. Хэнтий аймгийн хэмжээнд “Улс аймгийн хамгаалалтын зэрэглэлд 15 хөшөө, дурсгал” бүртгэгдсэн байдаг.
Түүх, соёлын үнэт өв болох хөшөө, дурсгалаа хайрлан хамгаалцгаая.
