Өнгөрсөн сарын 28-нд Мьянмарын төв хэсэгт хүчтэй газар хөдлөлт болж, 3600 гаруй хүн амиа алдаж, 5000 гаруй хүн гэмтэж, 49,000 орчим орон сууц эвдэрчээ. 214 хүн сураггүй алга болсон хэвээр байна.
Олон улсын тусламжийн багууд ирж байгаа ч цэргийн хунтаны тогтоосон интернетийн хязгаарлалт аврах ажиллагаанд хүндрэл учруулж байна.Тайланд, Малайз зэрэг улс орнууд талбайн эмнэлэг, ундны ус, түр хоргодох байр зэрэг нэн шаардлагатай тусламжийг илгээж эхлээд байна. Харин НҮБ-ын тусгай элч Жули Бишоп газар дээр нь очиж нөхцөл байдалтай танилцсан бөгөөд олон улсын тусламж зохион байгуулахад хамтран ажиллахаа мэдэгдсэн.
Ч.ДӨЛГӨӨН
Эх сурвалж:Reuters, AP News
