Сүхбаатар аймгийн Бурхан Шашинтны төвөөс нийгмийн хариуцлагын хүрээнд Сүхбаатар аймгийн Баруун-Урт сумын ЕБС-ийн 9-р ангийн сурагчдын дунд түвшин ахиулах, хоцрогдол арилгах 45 хоногийн, үнэ төлбөргүй сургалт зохион байгуулж эхэллээ.
Англи хэлний хичээлийг дадлага туршлагатай багш Б.Болортуяа зааж байна. Анги тэнхмийн болон багшийн хүрэлцээнээс шалтгаалан хүүхдийн тоо хязгаартай бөгөөд сонгож авсан 15 сурагч ийнхүү үнэ төлбөргүй сургалтанд хамрагдаж байгаа юм. Мөн энэ сургалтын хүрээнд хийдийн дэд лам Н.Цамбанүрдэв хүүхдүүдэд эцэг эхийн элбэрэл ачлалын тухай, яавал сайн хүн болох, газар дэлхийтэйгээ хэрхэн зөв харьцах талаар 15-20 минутын Монголын уламжлалт ухааны сургалт явуулж байна.
