Украины төв хэсэгт орших Кривий Риг хотод ОХУ-ын баллистик пуужингийн дайралт болж, хамгийн багадаа 18 хүн амь үрэгдэж, хэдэн арван хүн шархадсан тухай албаны хүмүүс мэдээллээ. Ерөнхийлөгч Володимир Зеленскийн мэдээлснээр, амь үрэгдсэн хүмүүсийн ес нь хүүхэд байсан аж.
Зеленскийн хувьд энэ хот нь түүний төрөлх нутаг юм. Орон нутгийн эрх баригчид хэлэхдээ, тус хотын орон сууцны бүсийг баллистик пуужингаар харвасан бөгөөд дэлбэрэлтийн улмаас 10 давхар орон сууцны хэсэг нурж, зам дээр олон хүний цогцос хэвтэж байсан тухай бичлэгт бичигджээ.
Мөн нэг хүүхдийн цогцос тоглоомын талбайд хэвтэж буй зураг олон нийтийн сүлжээнд цацагдсан нь энэ үйл явдлын эмгэнэлт байдлыг улам тодотгож байна. Харин ОХУ-ын Батлан хамгаалах яам уг дайралтын талаар өөр тайлбар өгч, “өндөр нарийвчлалтай пуужингийн цохилт” нь барууны зааварлагчид болон цэргийн удирдагчдын уулзаж байсан ресторанг онилсон гэж мэдэгдсэн ч, энэ мэдээллээ батлах ямар нэгэн нотолгоо гаргаагүй байна. Энэ эмгэнэлт явдал нь энгийн иргэд, тэр дундаа хүүхдүүдийг дайны хөлд өртөхөөс хамгаалах олон улсын хуулийн заалтуудыг зөрчиж байгааг дахин харууллаа.
Ч.ДӨЛГӨӨН
Эх сурвалж: BBC
