“Тусгаар тогтнол” шүлгийг 3333 сурагч Сүхбаатарын талбайд уншиж, олны сонорыг мялаалаа.
Энэхүү арга хэмжээг “Оюуны ундраа” сургуулиас санаачилан, НИТХ, НЗДТГ-аас дэмжиж ажиллалаа. Нээлтийн үеэр НИТХ-ын дарга А.Баяр “Аль ч улс орны хамгийн гол зүйл бол эх оронч үзэлтэй иргэдтэй байх. Эх оронч үзэлтэй монголчууд гэж хэлэхээс илүүтэйгээр зүрх сэтгэлээсээ эх орноо хөгжүүлнэ гэсэн үзэлтэй бодолтой, итгэл үнэмшилтэй ирээдүйн иргэдийг бид төлөвшүүлэх чухал. Энэ үүднээс “Тусгаар тогтнол” шүлгийг улсынхаа төв талбайд унших арга хэмжээг дэмжиж ажилласан. Цаашдаа ч эх оронч үзэлтэй хүүхэд, залуусынхаа санаачилсан ажлыг дэмжиж ажиллах болно” хэмээн онцоллоо.
