Ард түмэнд “Шинэ үсгийн багш” киноны Тулгын дүрээр танигдсан жүжигчин Бунтарын Гарьд нь өнгөрсөн оны 6 дугаар сард бамбайн “хорт хавдар”-аар оношлогдож, 8 дугаар сард ХСҮТ-д хагалгаанд орсон байна.
Эхний хагалгаа амжилттай болсон ч хавдар дахин сэдэрч, хоёр дахь хагалгаанд орох шаардлагатай болсон ажээ. Тус хавдар нь “medullary carsinoma” гэх бамбайн хорт хавдарын 6-8 хувьд тохиолддог, мөн С эсийн мутацид орсон ховор төрлийн хавдар болох нь тогтоогдож БНСУ-ыг зорьсон гэнэ.
Өнгөрсөн 6 сарын турш БНСУ-ын Ханян Их сургуулийн эмнэлэгт үзүүлж, хяналтад орсон бөгөөд тус хавдарт эм, эмийн эмчилгээ, хими, цацрагийн эмчилгээ тохирохгүй, зөвхөн хагалгаагаар эмчилдэг ар гэр ойр дотныхон бүхий л боломжоо дайчлан зүтгэсэн хэдий ч хамгийн чухал мөчид санхүүгийн хүнд байдалтай нүүр тулж ийнхүү нийт монголчуудаасаа дэмжлэг хүсэж байна. Монголын кино урлагийн нэрт найруулагч “Ирж яваа цаг, “Гарьд магнай”, “Тод магнай”, “Цэц магнай”, “Гэрлэж амжаагүй явна” бүтээлээр нь олон түмэн мэдэх МУУГЗ Ж.Бунтар агсаны хүү тэрээр бага насанд нь бурхан болсон аавынх нь өмнөөс, хань, хоёр охиных нь өмнөөс ард түмнээсээ “НЭГ Л УДАА ТУСЛААЧ” гэж гуйж байна.
Эдгэрэх бүрэн боломж байгаа хэдий ч санхүүгийн өмнө бүрэн сөхөрлөө гэж эхнэр Ц.Үүрцайх нь хэвлэлд хандлаа.
Хандивын данс: 1909206749 Голомт банк, Бунтар ГАРЬД.
