Монголын Бурханы Шашны Их Сургуулийн (МБШИС) багш нар эрдмийн замналдаа шинэ амжилт нэмлээ.
Тус сургуулийн багш, Гандантэгчэнлин хийдийн гадаад харилцаа хариуцсан тэргүүлэгч М.Ганхуяг Монгол Улсын Их Сургуулийн Утга зохиол судлалын чиглэлээр “Монголын төвөд хэлт уран зохиол дахь орон хийдийн магтаалын уламжлал” сэдэвт бүтээлээр докторын (Ph.D) зэрэг амжилттай хамгаалжээ.
Мөн МБШИС-ийн Санхүү, хөрөнгө оруулалт хариуцсан проректор Б.Жамбал МУИС- ийн “Утга зохиол” судлалаар, Гэвш З.Лувсангэндэн “Хос ёсны сургаал- Модны шастир” сэдвээр тус тус Докторын зэргээ амжилттай хамгаалж, хамт олныхоо талархал, хүндэтгэлийг хүртсэн байна.
Эдгээр багш нарын тууштай хөдөлмөр, хичээл зүтгэлийн үр дүнд хүртсэн энэхүү амжилт нь МБШИС-ийн эрдэм судлалын хөгжлийг шинэ түвшинд гаргах томоохон алхам болж байна.
