Өнөөдөр Мьянмарын төв хэсэгт 7.7 магнитудын хүчтэй газар хөдлөлт болж, хөрш зэргэлдээх Тайланд, Энэтхэг, Хятадад чичиргээ мэдрэгджээ. Газар хөдлөлтийн голомт нь Мандалай хот орчимд байсан бөгөөд олон барилга нурж, ихээхэн хохирол учирсан байна.
Бангкок хотод газар хөдлөлтийн улмаас өндөр барилгуудын орой дээрх усан сангууд хэт савлаж, ус асгарч буй дүр зураг олон нийтийн сүлжээнд тархаж байна. Хотын төвд баригдаж байсан өндөр барилга нурж, оршин суугчид болон явган зорчигчдыг айдаст автуулжээ. Одоогоор уг нурангид хүн бэртэж, гэмтсэн талаарх мэдээлэл байхгүй байна.
Газар хөдлөлтийн дараахан 6.4 магнитудын хүчтэй чичирхийлэл дахин болсон тул эрх баригчид иргэдийг сэрэмжтэй байхыг анхааруулжээ. Аврах албад газар хөдлөлтийн хор хохирлыг тогтоож, хариу арга хэмжээ авч эхэлсэн байна.
Ч.ДӨЛГӨӨН
Эх сурвалж: Reuters, AP News, The Sun
