Энэ роботын үзүүлбэрийг нэг тэрбум гаруй хүн үзээд байна. Сүүлийн хоёр сарын хугацаанд Хятадын роботуудын дугуй унах, эргэх, бүжиглэх гэх мэт хөдөлгөөнтэй видео интернэтэд тархаж, төрийн хэвлэл мэдээлэл нь эдгээр роботуудыг эдийн засгийн өсөлтөд чухал нөлөө үзүүлж чадах хүчин зүйл хэмээн онцолж байна.
Хэдийгээр хүний төрхтэй роботуудын ихэнх нь одоогоор үйлдвэрлэлд ороогүй ч, Элон Маскийн Tesla компанитай өрсөлдөөн нэмэгдэж байгаа нь ойлгомжтой.
Microsoft, Nvidia, Amazon-ийн үүсгэн байгуулагч Жефф Безос нь Америкийн робот үйлдвэрлэгч Figure AI-д хөрөнгө оруулалт хийсэн бол, Meta компани сүүлийн үед роботууд руу томоохон хөрөнгө оруулалт хийхээр төлөвлөж байна гэж Bloomberg агентлаг өнгөрсөн сард мэдээлсэн.
2022 онд Optimus роботоо танилцуулсан Элон Маск энэ төсөл нь 10 триллион долларын орлогыг бий болгох боломжтой гэж үзэж байгаа. Хэдийгээр хүний төрхтэй роботууд нийгэмд бодитой нөлөө үзүүлэхэд 5-10 жил шаардлагатай байж магадгүй ч, ирээдүйн хэрэглээний электроникийн салбарын дараагийн томоохон бүтээгдэхүүн болж мэдэхээр байна гэж Хонконгийн Их Сургуулийн Робот, Автоматикийн тэнхимийн профессор Си Нинг онцолжээ.
Ч.ДӨЛГӨӨН
Эх сурвалж: CNN
