Туркийн Стамбулын захирагч Экрем Имамоглугийн хоригдсон шийдвэрийн эсрэг өрнөсөн жагсаалын үеэр 1,000 гаруй хүнийг баривчилжээ.
Туркийн Дотоод хэргийн сайд Али Йерликая “Энэ сарын 19-23-ны хооронд хууль бус үйл ажиллагаанд оролцсон 1,133 хүнийг баривчилсан” гэж мэдээлсэн байна. Эдгээр хүмүүсийн зарим нь 12 төрлийн террорист бүлэглэлтэй холбогдсон гэжээ. Имамоглу, Туркийн Ерөнхийлөгч Режеп Тайип Эрдоганы улс төрийн өрсөлдөгч, Стамбулын захирагчийг энэ сарын 19-ний өдөр гэрээс нь баривчилсан бөгөөд энэ нь олон нийтийн эсэргүүцэлтэй тулгарсан юм.
Туркийн эрх баригчид жагсаал хийхийг хориглож, хэд хэдэн замыг хааж, нийтийн хэв журмыг сахиулахыг оролджээ. Йерликаягийн мэдээлснээр, жагсаалын үеэр 120 гаруй цагдаагийн албан хаагч гэмтэж, чулуу, хүчил, молотовын коктейль, сүх, хутга зэрэг олон төрлийн зэвсгийг хурааж авсан байна. Жагсаалууд Стамбул болон нийслэл Анкарад зэрэг олон хотод өрнөж, Имамоглугийн баривчилгааг эсэргүүцжээ.
Ч.ДӨЛГӨӨН
