Сүүлийн 20 жилийн хугацаанд АНУ дахь эрвээхэйн популяци 22 хувиар буурсан гэж Binghamton University-ийн судалгаагаар тогтоожээ.
Science сэтгүүлд нийтлэгдсэн уг судалгаа нь 12.6 сая ажиглалтын мэдээлэлд тулгуурлаж, 342 төрөл зүйлийн популяцийн чиг хандлагыг тооцоолсон байна.
Нэг төрлийн гурван эрвээхэй тутмын нэг нь (33%) ноцтой бууралттай
107 төрөл 50 тавиас дээш хувиар цөөрсөн
Julia’s Skipper зэрэг зарим төрөл 90 хувиас их хувиар устах аюулд орсон гэжээ.
Судалгаанд North American Butterfly Association-ийн Fourth of July тооллого зэрэг иргэдийн оролцоотой шинжлэх ухааны хөтөлбөрүүдийн мэдээллийг ашиглажээ.
Binghamton University-ийн биологийн ухааны дэд профессор Элиза Грамес: “Энэ дүн дэлхий нийтийн чиг хандлагатай нийцэж байгаа ч ийм өргөн хүрээнд ийм их бууралт гарч байгааг харах үнэхээр цочирдуулсан” гэжээ. Гэвч эрдэмтдийн үзэж байгаагаар, хэрэв яаралтай хамгаалах арга хэмжээ авбал эдгээр төрөл зүйлүүд сэргэх боломжтой аж.
Эрвээхэйн тоог хамгаалах арга замууд байдаг юм байна.
Үүнд:
Байгалийн цэцэгс бүхий нутаг дэвсгэрийг сэргээх
Пестицид, химийн бодисын хэрэглээг багасгах
Эрвээхэйний авгалдай, нас бие гүйцсэн эрвээхэйн хоол тэжээлийг нэмэгдүүлэх
Уур амьсгалын өөрчлөлтийн эсрэг арга хэмжээ авах
Эрвээхэйн популяцийг хамгаалах нь зөвхөн нэгэн төрөл зүйлийг аврах асуудал биш, экосистемийн тэнцвэрт байдлыг хадгалах чухал алхам гэдгийг эрдэмтэд онцолж байна.
Эх сурвалж: BBC
Ч.ДӨЛГӨӨН
