ӨВЧИН YГҮЙ АМГАЛАН БОЛООД ТИЙН АТАЛ ХААНЫ ЗАСАГ ЧАНГАРМУЙ
Зурхайн ухаанд “Үхэр болон үхэр хариулаач” хоёрын зургийг махбодын зурхайгаар гарган тоог тооцоолж, тухайн жилийн мал сурэг хийгээд хүн зоны төлөв байдал тэргүүтэй маш олон зүйлийг урьдчилан мэдэх арга байдаг.
Тэр зурлагаар жилийн төлөв байдлыг гаргаваас: Шар, амаа ангайн, сүүлээ зүүн тийш шарвасан байна. Эртдээ хүчтэй аадар мөндөр орох ч өвс ургамал ногоо сайн, жилийн дундуур бага зэрэг гандуу боловч жилийн сүүлээр хур, мөндөр буух төлөв байна.
Мөн халуун өвчин гарахын нигууртай
Үхэр хариулаач нь: Улаан дээлтэй, цагаан царайтай, хөх бүстэй, толгой дээрээ үсээ овоолгож боогоод хоёр гутлаа барьсан идэр залуу хүн үхрийнхээ өмнө унгасан шилбуур барин яаран гүйж явна. Мал сүрэгт сайн боловч ерөнхийдөө бага зэрэг хямралтай. Идэр залууст амгалантай, нялхаст дунд зэрэг, хөгшид биеэ энхрийлүүштэй.
Шороон үхэр нь: Толгой нь улаан, хөх ходоодтой, бие нь улаан, эвэр, сүүл, чих нь шар, омруу шар, дөрвөн шийр цагаан, дөрвөн туурай шар
Шороон үхрийн ерөнхий шинж: Улс орон ерөнхийдөө буянтай. Хаврын гурван сар болон тэргүүн дөрвөн сард бага зэргийн гантай.
