Өвлийн тэргүүн сарын Шинийн нэгэн
Монгол түмний бахархлын өдөр буюу эзэн богд Чингис хааны мэндэлсэн өдөр тохиож байна. Энэхүү эзэн богд Чингис хааны сан тахилыг өргөвөөс хүн зоны ханиад , гадна дотны хямрал бүхэн амирлаж , цог хийморь бадрах тухай сударт дурьдсан байна.
Зээ:
Хүчит хүрдэн эргүүлэгч их хаан Чингисийн
Язгуур лугаа үндэст заяагч тэнгэр , дайны
их тэнгэр хийгээд
Эзэн богд хаан , хатан , түшмэд нөхөр сэлтээр
Үүн дор ажран баясгалангийн суудалд оршин соёрхоо.
Айраг цагаа , идээ ундаа элдэв тэргүүтэн
Амтат цай , догшин сархад ялгамжаат ундааны зүйл
Хувцас чимэглэл , ирт зэвсэг чухал эд хэрэглэлийн чуулган
Эрдэнэт хүлэг , тэмээ , ямаа , хонь арвин сүүт үнээ
Догшин араатан жигүүртэн , гөрөөс элдэв лүгээ
Орд харш , өргөө гэр , торгон шүхрэн чимэгт суудал
Алт мөнгө , их эрдэнэ , үр тариа , сан хөмрөг тэргүүтэн
Бодитой бэлтгэсэн , сэтгэлээр хувиргасан
Тахилын чуулган нугуудыг өргөм үү.
Эрхэм дээд мод ургамал , эмийн зүйл элдэв үнэртнийг
Сайтар бадарсан галд түлснээр үнэр анхилуун утааны чуулган
Огторгуйд үүлс цогцолсон мэт бүрхсэн түүгээр
Их хаан , хатан , нөхөр лүгээ сэлтээр ариусмой.
Мунхагийн эрхээр таалал лугаа харшилдуулсан зэрэг
Гурван үүднээс гэм хэдүй чинээ буй бөгөөд
Бие , хэл , сэтгэлд буй бузар түйтгэр тэргүүтэн
Гэм алдаа бүхэн ариун сангаар ариусах болтугай.
Тэнгэрийн бошгот газрын Эсэрүн тэнгэр
Чингисийн язгуур үндэст хаадуудын бие , лагшин насан хутаг нь батжиж
Шашин төр сайтар чуулан , сүр хүчин нь далай мэт дэлгэрээд
Суу алдрыг нь Сүмбэр уул мэт өөдөд зохиож
Зүг үүн дор цаг бусын салхи , бороо , цас хийгээд
Хяруу мөндөр , ган зуд , хүн малын ханиад хийгээд
Хэл ам , хэр тэмцэл , буг хийгээд хорлол тэргүүтэн
Үл хүссэн гай , гамшиг бүгдийг амирлуулан зохио.
Бурханы шашин арван зүг бүхэнд дэлгэрч
Ертөнц ба хүмүүнд , өлзий хутагтын хишиг буян хурж
Амьтан бүхэн амгалан жаргалангийн цогийг эдэлснээр
Буяны суу алдар нь үргэлжид дэлгэрч
Өлзий хутаг орших болтугай.🙏🙏🙏
Энэхүү сан тахилгын судар Завхан аймгийн музейд хадгалагдаж байгаа болно.
Эх сурвалж: Далай Чойнхор Ван Тариатын Хүрээ
