Яг өнөөдөр Монголд болж буй нийгмийн тэр дундаа эдийн засгийг харвал олон юм зэрэгцэж байна. Эдийн засгийн талаас хэд хэдэн үзэгдэл зэрэгцэн тохиож байна.
Инфляц: Үнийн өсөлт, мөнгөний худалдан авах чадвар эрс буурсан.
Стагфляц: Эдийн засгийн өсөлт сул+Үнийн өсөлтийг зогсоож чадахгүй байгаа байдал + ажилгүйдэл, ядуурал нэмэгдсэн.
Төсвийн тэлэх бодлого: Юун төсөв тэлэх манатай байна. Төр зардлаа нэмсэн, орлогоосоо давсан зарлагатай. Төсвийн ерөнхийлөн захирагчдын зардлыг 10%-иар танана гэдэг бол зүгээр “реклам”.
Валютын ханшийн уналт: Төгрөг суларч цаас болж, импортын барааны үнэ Усайн Болтоос ч хурдан өсөж байна.
Нийгэм-Эдийн засгийн хямрал: Иргэдийн бодит орлого буурч, эсэргүүцэл, жагсаал, цуглаан шил шилээ даран гарч, ажил хаялтдаа хүрлээ.
Дээрх шинжүүд бол Монгол Улсад яг одоо стагфляцийн шинжтэй эдийн засгийн хямрал өрнөж байгааг илтгэж байна. Энэ нь инфляци өндөр, эдийн засгийн өсөлт саарсан, ажилгүйдэл нэмэгдсэн, төсвийн дарамт өссөн, нийгмийн бухимдал нэмэгдсэн нөхцөлийг хэлдэг. Яг л өнөөдрийн Монгол энэ “шалгуурууд”-ыг хангаж байна.
Тоймч Д.ГАНСАРУУЛ
