Хуульч О.БАТХҮҮ: Монголын төр татвар авах болохоороо л иргэдээ санадаг бусад үед нь хаячихдаг юм биш үү?
Хичнээн мянган хүн барилгын компанид хулхидуулж, орох оронгүй гудманд явна. Хууль дүрэм яриад алчих гээд байдаг цагдаа, прокурор нь хаана байна? Таны төлөө зүтгэе, саналаа өгчих гээд үхэн хатан гүйгээд байдаг гишүүд, сайд дарга нар хаачив. Нүдэн балай чихэн дүлий байх юм.
Энэ хүмүүс өдөр шөнөгүй зүтгэж олсон жаахан мөнгөөрөө байр авъя, хүн шиг амьдаръя, яндангийн тоог нэгээр ч гэсэн бууруулъя гэж яваад луйварчдын идэш болоод дуусч байна.
Төр засаг яах гэж байдаг юм? Иргэддээ үйлчлэх, тэднийг хамгаалах гэж байдаг болохоос та хэдийн идлэг, уулгын мөнгийг төлөх гэж байдаггүй. Иргэдээ хамгаалаач ээ!
