Аргын тооллын 06-р сарын 11-нд Билгийн тооллын зуны тэргүүн сарын 15-нд өдөр тохиож байна.
Бурхан багшийн их дүйчэн өдрийг Азийн бурханы шашинтай орнууд 2000 жилийн тэртээгээс тэмдэглэн ирсэн. 1999 онд НҮБ-ын Ерөнхий ассамблейгаас Бурхан багшийн Их дүйчэн өдрийг олон улсын хэмжээнд тэмдэглэн өнгөрүүлж байхаар шийдвэрлэсэн байдаг. Манай улсын хувьд, 300-400 жилийн тэртээгээс энэ өдрийг тэмдэглэж иржээ.
Харин 2019 оноос Бурхан багшийн Их дүйчэн өдөр буюу зуны тэргүүн сарын 15-ныг нийтээр тэмдэглэх баярын өдөр болгон бүх нийтээр амрахаар болсон.
• Бурхан багш эхийн хэвлийд оршсон,
• Номоо номлож хутгийг олсон,
• Нирваан дүрийг үзүүлсэн
гэх гурван том цаг хугацаа нэг өдөр давхацдаг учраас Их дүйчэн хэмээн нэрлэдэг. Энэ өдөр буян хурааж, сайн үйл хийхэд буян арвиждаг гэж үздэг учраас хүн бүр сэтгэлээ ариун байлгаж, буян хураах үйлд оролцдог байна.
Бурхан багш энэрэл хайр, нигүүлсэл түгээн дэлгэрүүлж, ертөнцийн бодит оршин тогтнолыг одоогийн шинжлэх ухаан байгаагүй үед тайлбарлан номложээ.
ЗҮҮН ХҮРЭЭ ДАШЧОЙЛИН ХИЙД
