Ерөө суманд гарсан түймрийг бүрэн унтраалаа

Сэлэнгэ аймгийн Ерөө сумын Буурагчин багийн “Хан-Хэнтий” тусгай хамгаалалт бүхий нутаг дэвсгэр “Хэрийн гол” гэдэг газар 5 дугаар сарын 21-нд гарсан ойн түймрийг өнөөдөр /2025.06.01/ 09:05 цагт бүрэн унтрааж, орон нутагт хүлээлгэн өглөө.Түймрийн голомтод ОБЕГ-ын Гал түймэртэй тэмцэх газрын ахлах мэргэжилтэн, хошууч Б.Баттүвшингээр ахлуулсан ОБЕГ, Үндэсний аврах бригад, НОБГ, Сэлэнгэ, Орхон, Дархан-Уул аймгийн Онцгой байдлын газрын алба хаагчид, сум, орон нутгийн мэргэжлийн анги, байгууллагын 194 хүн, 15 автомашин, техниктэйгээр үүрэг гүйцэтгэсэн юм.