Маргааш Монголын морин спорт, уяачдын холбооноос “ХУРДАН МОРИНЫ УРАЛДААН ТАЙЛБАРЛАХ АРГА, ТУРШЛАГА” улсын хэмжээний сургалт, уулзалт зохион байгуулна.
Монголын хурдан морины уралдааны тайлбарлагч мэргэжлийг хөгжүүлэх, орон нутгийн морь тайлбарлагчдыг чадавхжуулах, туршлага солилцох, ёс зүйтэй, мэдлэгтэй, чадварлаг тайлбарлагчдыг бэлтгэхэд уг сургалтын зорилго чиглэгджээ.
ОРОЛЦОГЧИД:
Аймаг, нийслэлийн МСУХ-ноос тус бүр томилогдсон 1–2 төлөөлөгч. (Тухайн орон нутгийн морин уралдаан тайлбарлагч болон сонирхогч, залуу тайлбарлагчид)
СУРГАЛТЫН АГУУЛГА:
- Морь тайлбарлагч мэргэжлийг сонгосон замнал, туршлага
- Судалгаа хийх арга зүй, мэдлэг хуримтлуулах арга барил
- Хурдан морины уралдааны онцлог, тайлбарын бүтэц
- Хэл найруулга, ярианы ур чадвар, дууны өнгө, илтгэх чадвар
- Тайлбарлагчийн ёс зүй, нийтийн өмнө үүрэг хариуцлага хүлээх зарчим
- Монгол өв соёлыг тайлбартаа уялдуулах арга зүй
- Уралдааны зам болон орон нутгийн онцлогийг танин мэдүүлэх
- Шууд дамжуулалт, цахим орчны тайлбарын техник
- Уралдаанч хүүхдэд хандах хүндэтгэлтэй, хамгаалсан хандлага
- Сэтгүүлчийн ёс зүйн нийтлэг зарчмууд
СУРГАЛТЫГ УДИРДАН ЯВУУЛАХ МОРЬ ТАЙЛБАРЛАГЧДЫН БАГ:
- Л. Цагаандалай Соёлын гавьяат зүтгэлтэн
- М. Оюунбаатар “Морин Эрдэнэ” интертайментын захирал, NTV телевизийн сэтгүүлч
- Б. Ганпүрэв “Түмний Эх” студийн захирал, хурдан морь тайлбарлагч
- Б. Гонгор “Морин Эрдэнэ” интертайментын морь тайлбарлагч
- Ч. Уртнасан “Түмний Эх” студийн хурдан морь тайлбарлагч
- Б.Намхай “Морин Эрдэнэ” интертайментын морь тайлбарлагч
