Гадны хэвлэлүүдэд Монголд өрнөж буй “ОГЦРОХ АМАРХАН” жагсаалын тухай мэдээллэсээр байна. Манай Можо Дижитал-ТВ эдгээр мэдээллийг цувралаар орчуулан хүргэх болно.
Улаанбаатар хотын Сүхбаатарын талбайд хэдэн зуун залуус жагсаал хийж, Ерөнхий сайд Лувсаннамсрайн Оюун-Эрдэнийг авлигын хэргээр огцрохыг шаардаж байна. Энэхүү жагсаал хэд хоногийн турш үргэлжилж байгаа бөгөөд залуучуудын дунд авлига, эдийн засгийн тэгш бус байдлын эсрэг ихээхэн эсэргүүцэл үүсчээ.
Ерөнхий сайдын хүүгийн найз бүсгүйн нийгмийн сүлжээнд нийтлэгдсэн тансаг төрлийн төрсөн өдрийн бэлгийн зураг олон нийтийн бухимдлыг ихэд хүргэсэн. Энэ нь Ерөнхий сайдын гэр бүлийн орлого Засгийн газрын албан тушаалтны орлогоос давсан гэсэн ойлголтыг төрүүлж, авлигын асуудлыг хурцатгалаа.
Амьдралын өртөг өсөж, инфляци сүүлийн жилүүдэд 9 хувьд хүрсэн нь залуусын амьдралд дарамт үүсгэж, ажил хөдөлмөртэй ч санхүүгийн хүндрэлийг нэмэгдүүлжээ.
Ерөнхий сайдын албаны хүмүүс түүнийг авлигын хэрэгт холбогдоогүй, энэхүү мэдээллийг “худал гүтгэлэг” гэж татгалзаж байна. Мөн авлигыг бууруулах, байгалийн баялгийн орлогыг шударга хуваарилах үйл ажиллагааг үргэлжлүүлж байгаагаа онцолжээ.
Нөхцөл байдлын улмаас Засгийн газрын талд орсон ахмад настнуудын эсэргүүцэл ч бий. Монголд сүүлийн жилүүдэд авлига, эдийн засгийн асуудлаар олон удаа жагсаал, эсэргүүцэл болсон бөгөөд 2022 онд нүүрс тээврийн хулгайтай холбоотой томоохон хэрэгт олон хүн баривчлагдаж байлаа. Одоо залуучууд илүү шударга ёс, ил тод байдал, ёс зүйн засаглалыг шаардаж байна.
Ч.ДӨЛГӨӨН, Д.САРУУЛ
