АНУ-д айлчлал хийж байсан Мексикийн тэнгисийн цэргийн “Куаутемок” сургалтын хөлөг Нью-Йоркийн алдарт Бруклины гүүрийг мөргөж, гэмтэл авсан байна.
Осол өчигдөр орой болжээ. Хөлгийн өндөр шурагт баганууд (маст) гүүрний доод хэсэгт шүргэснээр зарим хэсэг унаж, тавцан дээр ойчсон байна. Олон хүн бэртсэн байж болзошгүй тухай Нью-Йоркийн галын алба мэдээлсэн ч яг хэд нь, ямар байдлаар гэмтсэнийг албан ёсоор зарлаагүй байна.
Мексикийн тэнгисийн цэрэг хөлөг онгоц гэмтсэнийг баталж, шалгалт эхлүүлснээ мэдэгдсэн бол Нью-Йоркийн Онцгой байдлын газар:
“Нөхцөл байдал бүрэн тодорхой болоогүй, осолд хариу арга хэмжээ авч байна” гэж мэдээлжээ.
Тус хөлөг дээр 200 гаруй багийн гишүүн байсныг мэдээлж байна.
“Куаутемок” хөлөг нь Мексикийн үндэсний баатрын нэрийг залсан сургалтын хөлөг бөгөөд улс орнуудаар айлчилж, найрамдлын далбаа мандуулан аялдаг уламжлалтай.
Ч.ДӨЛГӨӨН
Эх сурвалж: BBC
