НИТХ-ЫН ЗӨВЛӨЛИЙН ХУРАЛДААНААР 16 АСУУДЛЫГ ХЭЛЭЛЦЛЭЭ

НИТХ-ын Зөвлөлийн хуралдаан өнөөдөр боллоо. НИТХ-ын дарга А.Баяр хэлэлцэх асуудлыг танилцуулав. Хуралдаанаар Нийслэлд хэрэгжүүлж буй мега төслүүдийн ажлын явц, тулгамдаж буй асуудлын талаарх танилцуулга, “Нийслэлийн Орон сууцны корпорац” ХК-ийн харьяа охин компани байгуулах, хөрөнгөөр баталгаажсан үнэт цаас гаргах тухай, Нийслэл дэх үйлдвэрлэл технологийн паркийн нутаг дэвсгэр, байршлыг батлах тухай, “Дулааны тавдугаар цахилгаан станц” төслийг төр, хувийн хэвшлийн түншлэлээр хэрэгжүүлэх талаар авах арга хэмжээний тухай, “Хог шатааж, эрчим хүч гаргах үйлдвэр” төслийг төр, хувийн хэвшлийн түншлэлээр хэрэгжүүлэх эрх олгох тухай” зэрэг нийт 16 асуудлыг хэлэлцлээ.