Хүйтэн бороо, цас бударсан хавар. Төв талбайд чимээгүйхэн сууж буй залуусын нүдэнд шийдэмгий байдал, итгэл гэрэлтэнэ. Тэдний өвдөг хувцас норсон ч, сэтгэл нь гал дөлтэй. Тэдний гар даарсан ч, зорилго нь хэзээ ч цогтой. Энэ бол шударга ёсны төлөөх тууштай тэмцэл, ирээдүйгээс ургасан итгэл.
Шинэ үеийнхэн өөрсдөө ирээдүйгээ бүтээхээр, өөрсдийнхөө дуу хоолойг сонсгохоор цугларсан. Бусдын алдааг засахын төлөө биш, харин үр хүүхдэдээ өөдрөг Монгол үлдээхийн төлөө. Залуус үүрэг, итгэл хоёрыг мөрөн дээрээ үүрч яваа.
Гэвч яг энэ үед тэдний татварын мөнгөөр тансаглаж буй нэгэн эрх мэдэлтний хүүхдүүд Лондонгийн тансаг ресторанаар зугаалж, коктейль барин нарны гэрэлд инээмсэглэнэ. Энэ бол зөвхөн ялгаа биш шударга бусын тод хөрөг юм.
Залуус аа, битгий шантраарай. Та бүхний суулт бол түүхийн хуудас. Та бүхний дуу хоолой бол олон зуун мянган хүний хүсэл. Үзэл бодлоо илэрхийлнэ гэдэг бол зориг, харин итгэлээ алдахгүй байх нь жинхэнэ хүч.
Цас хайлна. Нар мандана. Харин шударга ёс — түүнийг нэхэгч, бүтээх залуус байхад хэзээ нэгэн цагт ирдэг юм.
Д.САРУУЛ
Шог зургийг Гашуунбаатар
