Ерөнхий сайд Л.Оюун-Эрдэнийг огцрохыг шаардсан “ОГЦРОХ АМАРХАН” жагсаал Сүхбаатарын талбайд хоёр дахь өдрөө үргэлжилж байна.
Иргэд, олон нийтийн зүгээс Л.Оюун-Эрдэнийг огцруулах зорилготой жагсаал ойрын үед давтамжтай өрнөсөөр байгаа ч Засгийн газрын зүгээс тэр болгонд сөрсөн жагсаал, элдэв турхирагчдыг зохион байгуулалттайгаар талбай руу илгээдэг болсон.
Энэ удаад ч Засгийн газрын төлбөрт “жагсагчид” үзэл бодлоо илэрхийлж, жагсах эрхээ эдэлж буй залуус руу дайрсан. Өнгөрсөн 4 дүгээр сарын 11-нд удаах жагсаал болохоор товлогдсон ч Засгийн газар болон нийслэлийн зүгээс Сүхбаатарын талбайд асар майхан барьж, үнэгүй будаатай хуурга тараах, үнэгүй цирк үзүүлэх мэтийн аар шаархан юм зохиож иргэдийн жагсах, цуглах эрхэнд ноцтойгоор халдсаар байгаа юм. Мөн Л.Оюун-Эрдэнэ жагсаал болж магад гэж болгоомжилж, хөдөөгүүр Засгийн газрын гишүүдээ дагуулаад хуралдах нэрээр хотоос “зугтах” тактик барьж байгааг бүгд харж байна.Гэсэн ч залуус “Жагсаал аажуу эхэлж, хүчээ авна” хэмээн ярьж байна.
#ЗАСГИЙН_ГАЗАР_ОГЦОР
