Энэ сард нарны гадаргуу дээр шинээр гарч ирсэн AR 4079 хэмээх толбо нь шинжлэх ухаанчдын анхаарлыг татаж байна. Энэхүү толбо нь бараг хоёр дахин томорч, одоо зургаан дэлхийг багтаах хэмжээтэй болжээ.
Яагаад энэ толбо чухал вэ?
- Хэмжээ: 140,000 км гаруй өргөнтэй. Энэ нь манай дэлхийг хэд дахин багтаах хэмжээтэй бөгөөд нарны гадаргуун дээрх хамгийн том толбоудын нэг болжээ.
- Соронзон бүтэц: “Бета-гамма-дельта” ангилалтай соронзон бүтэцтэй. Энэ нь хүчтэй нарны дэлбэрэлт үүсгэх өндөр эрсдэлтэйг илтгэнэ.
- Гэрэл гүүр (Light bridge): Толбоны дотор тод, гэрэлтэй хөндлөн шугам харагдаж байгаа нь соронзон орны дахин холболт явагдаж, удахгүй хүчтэй дэлбэрэлт гарах магадлалтайг харуулдаг.
Энэ нь бидэнд хэрхэн нөлөөлж болох вэ?
- Геомагнитийн шуурга: Нарнаас гарсан салхи дэлхийн соронзон оронд нөлөөлж, туйлын туяаг бий болгож байна.
- Хиймэл дагуул ба холбоо: Одоогоор томоохон саатал гараагүй ч цаашид хүчтэй дэлбэрэлт гарвал харилцаа холбоо, навигацийн системд нөлөөлөх магадлалтай.
- Ажиглалт: AR 4079 нь нүдэнд харагдахуйц том тул баталгаажсан нарны шүүлтүүртэй шил эсвэл дурангаар харах боломжтой.
Ч.ДӨЛГӨӨН
